AMED - Şaredarîya Sûrî çarçewaya çalakîyê 8ê Adare de cinîyan dir kom bî.

 

Amed de Îdarekarîya Cinîyan a Şaredarîya Sûrî, endamê meclîsê û rêxistina qezaya Partîya Têduştî û Demokrasî (DEM Partî) çarçewaya çalakîyanê 8ê Adare Roja Cinîyan a Dinya de cinîyan dir kom bî.

 

Hemşaredara Şaredarîya Sûrî Gulan Onkol kombîyayîş de qisey kerd û bal ant ser muhîmîyê tarîxî û cimatî yê têkoşînê cinîyan. Gulan Onkol dîyar kerd ke cinî wexto ke pîya bê tewr xurt benê û qetî kerd ke piştîdayîş esaso tewr muhîm ê xurtkerdişê têkoşînê cinîyan o.

 

Kombîyayîş de sewbîna muhîmîyê nêzdîbîyayîşê îdareyê herêmî yê têduşt û beşdar ame destnîşankerdiş ke cinî prosesê qerardayîşî de rolêk çalak kay kenê.