AMED- Verfeka Meclîsê Cinîyan ê DEM Partî Halîde Turkoglu dîyar kerd ke ganî çarçeweya Prosesê Haştîye û Komelê Demokratîkî de gamê şênberî bierzîyê û vengdayîşê azadîya Rayberê Şarê Kurdî ya fîzîkî kerd.

 

Verfeka Meclîsê Cinîyan ê DEM Partî Halîde Turkoglu rêxistina bajarî Amedî de qisey kerd ke bale ante serrgêra erdlerzanê 6ê sibate ser o ke bi seyan domanî vindî bîyî. Turkoglu dîyar kerd ke herêmanê erdlerzî de hema zî domanî nêeşkenê xo biresnê hewcedarîyanê xo yê bingeyinan.

 

Halîde Turkoglu ke bale ante ke şîdetê vera cinîyan sîyasetê şerî reyde bêeleqe nîyo, Rojawan de hêrişê vera cinîyanê kurdan şermezar kerd û Tirkîya de destbendkerdişê cinîyan ke nê qirkerdişî protesto kerdêne, sey “şermîya welatî” nirxnaye.

 

Halîde Turkoglu ard vîrardene ke Kobanê binê dorpêçî de ya û vat ke ganî Berê Sînorî yê Murşîtpinarî rew bêro akerdene û hetkarîyê însanîyê biresê herême.

 

Halîde Turkoglu dewam kerd: “Goreyê vengdayîşî ganî gamê şênberî bêrê eştene. Ganî azadîya fîzîkî ya Birêz Ocalanî bêro temînkerdene. Her gama ke yena eştene, ganî seba akerdişê rayîrê haştîya birûmete ya nê erdan bibo.”

 

Halîde Turkoglu sewbîna ard vîrî ke aşma yewine ya serre de 16 cinîyî ameyî kiştene û merdişê 39 cinîyan sey şikdar qeyd bîyo.