MERKEZÊ XEBERAN - Pêwa Hemserekê Pêroyî yê ESP’y Mûrat Çepnî û rojnamegeran 92 kesî ameyî destbendkerdiş. TJA û DEM Partî, reaksîyon vera destbendkerdişê 96 kesan mojnayî.

 

Serê sibayî tede Hemserekê Partîya Sosyalîst ê Bindestan (ESP) Mûrat Çepnî û rojnamegerî zî est ê 96 Sosyalîstî ameyê destbendkerdene. DEM Partî serê hesabê xo yê X’î de reaksîyon mojna destbendkerdişê 96 kesan.

 

TJA’yî bi kurmancî hesabê xo yê X'î de wina neql kerd: "Ewro serê sibayî hemverê Meclîsê Cinîyanê Sosyalîstan (SKM) û rêxistinê bînî yê bi ESP ve girêdayeyê operasyonêk sîyasî yê hîra ame destpêkerdiş û xeylêk kesî ameyî destbendkerdiş. Ganî heme kesê ke ameyê destbendkerdiş, bi taybetî hevalê ma yê SKMyî, lezkî bêrê veradayîş."

 

DEM Partî zî wina va:

 

“No sodir xeylê xebatkarê temsîlîyetê ma ESP û SKM, DÎSK/LÎMTER-ÎŞ, BEKSAV’î netîceyê eştişê keyeyan ser ameyê destbendkerdene.

 

Tede Hemserekê Pêroyî yê ESP’î Mûrat Çepnî û Endamê Meclîsa Partîya ma Emîn Orhan, rojnameger, ekolojîst û sendîkavanî est ê ameyê destbendkerdene.

 

Na polîtîkaya şidetî ke îktîdar bi destê hukmî verva sosyalîstan keno, nîno qebûlkerdene. Ganî kesê ke ameyê destbendkerdene lezkî bêrê veradayene.

 

Sewbîna welatijê ma yê ke protestoyanê verva hêrişanê serê Rojavayî de ameyê destbendkerdene û girewtene ganî bêrê veradayîş û ganî tedaya verva kesanê ke reaksîyonê xo mojnenê bêro vindarnayene.”