MERKEZÊ XEBERAN - Hemsereka Dayîreyê Têkilîyanê Teberî ya Rayberîya Xosere Îlham Ehmed derheqê peymana ke ameya parekerdene, dîyar kerd ke ê hêvîdar ê ke welatê mabênkarî berpirsîyarîya serkewtişê prosesê entegrasyonî bigîrê.

 

Hemsereka Dayîreyê Têkilîyanê Teberî ya Rayberîya Xoser a Demokratîke Îlham Ehmed derheqê peymana mabênê HSD û hukmatê Sûrîye de ke ameye parekerdene, hesabê xo yê X’î ser o eşkerayî daye.

 

Mesajê Îlham Ehmed wina yo:

 

“Mabênê Hêzanê Sûrîyeya Demokratîke û Hukmatê Sûrîye de seba na gama muhîme ya ke ver bi îstîkrarî ke resa peymane, seba cehdkerdişanê înan ma sere de sipasîya Amerîka û Fransa û heme welatî û sazgehanê mabênkaran kenê. Ma hêvîdar ê ke do seba serkewtişê prosesê entegrasyonî berpirsîyarîya garantorîye bîyarê ca.

 

Beşdarbîyayîşê hêzanê ewleyî amanc keno ke prosesêko entegrasyonî yo berpirsîyar û game bi game garantî bikero ke hemkarîye garantî keno, rûmetê heme temsîlkaran paweno û vernîya averşîyayîşî akeno.

 

Edalet û hevsengî ganî pêroyê heme herêman de bibo. Ma girêdayîyîya xo ya prosesê entegrasyonî ke xizmetê yewya Sûrîye keno, haştîya sîvîl xurt keno, qonaxêko newe yê aramî û averşîyayîşî awan keno û şarê Efrînî û Serêkanîye seba agêrayîşê keyeyanê xo, bi şeklêko ewle û rûmetinî ke garantî keno, reyna tekrar kenê.”