MERKEZÊ XEBERAN – Ame neqlkerdiş ke Caracas paytextê Venezuelayî de vengê teqînayîşan û tayêreyanê şerî yeno eşnawitiş.

 

Ajansê xeberan ê Brîtanî Reuters neql kerd ke Caracasî de vengê teqînayîşan û tayêreyanê şerî yeno eşnawitiş. Reutersî dîyar kerd ke teqîyayîş nêzdîyê baregehêko leşkerî yê gird de virazîyayo. Dimayê teqîyayîşan herême de elektrîk biryayo. Ame dîyarkerdiş ke cayanê ke teqîyayîş virazîyayo de dûmanî benê berz.

 

Vengê tayêreyanê şerî herême de yeno eşnawitiş û ame eşkerakerdiş ke hêrişêko hewayî hemverê benderê Fort Tiuna ame kerdiş.

 

Ame neqlkerdiş ke dimayê hêrişan tayêreyanê şerî yê hêzanê hewayî yê Venezuelayî wuştê ra.

 

Serekê DYA Donald Trumpî verê tehdîd Venezuelayî kerdibi.