AMED - TJA û Şaredarîya Sûrî serdayîşê keyeyê Rojda Yakişikli ke amebî kiştiş, kerdî.

 

Okay Gur ke bi Pakêta Hukmî ya 11ine Amed de ame veradayîş, 27ê kanûne de Rojda Yakişikli kişt. Kiştişê Rojda Yakişikli mîyanê rêxistinê cinîyan de bî sebebê nêrazîbîyayîş û hêrsêk pîl.

 

Têgêrayîşê Cinîyanê Azadan (TJA), Hemşaredara Şaredarîya Sûrî Gulan Onkol û endamê meclîsî serdayîşê keyeyê Rojda Yakişikli kerdî ke sersaxî bidê keyeyî.

 

Derheqê Pakêta Hukmî yê 11ine û kiştişê Rojda Yakişikli de, do siba Platformê Dîcle Amed (DAKAP) verê Edlîyeyê Amedî eşkerayîye bidê çapemenîye.