MERKEZÊ XEBERAN – Dadgeha Şorişê Îzehî, Endama Sendîkaya Mamosteyan a Huzistanî Kokab Badagî venga ci da ke semedê sucdarîya ‘propagandaya hemverê rejîmî’ îfade bido.

 

Konseyê Koordînasyonî yê Rêxistinê Sendîkayan ê Îranî eşkerayîya ke weşan kerd de dîyar kerd ke Kokab Badagî ya Endama Sendîkayê Mamosteyan ê Huzistanî û aktîvîsta ke semedê heqê sendîkayan ê mamosteyan xebitîyena, bi teblîgatêk fermî Dadgeha Şorişê ya qezaya Îzehî venga ci daya. Kokab Badagî ganî nê 5 rojanê bêro de semedê cewabdayîşê sucdarîya ‘Propagandaya hemverê rejîmê Îranî’ dadgehe de hazir bo. Nê sucdarî mîyanê aktîvîstanê sendîkayan de verê zî zaf amebî rojev.

 

Konseyî, amadekerdişê dosyan ê semedê mamosteyanê ke waştişê heqan kenê şermezar kerd. Konseyî va ke ganî tedayanê edaletî û asayîşî yê hemverê aktîvîstan bêrê vindarnayîş. Ame dîyarkerdiş ke şaranê cîya yê Îranî de hûmarêka zêde mamoste, semedê waştişê heqê xo, bi tehdîd, vengdayîş û destbendkerdişan rî bi rî yenê.