Nazlican Nujîn Yildiz

 

MERKEZÊ XEBERAN - Têkoşînê bêmabêne yê 32 serran, Evîn Goyî. Sey hevalanê aye yê têkoşînî vatê; hevala hemraya û merkezê moralî ya şorişê cinîyan.

 

Prosesanê ke bîyayîşê cinîyanê kurdan û şarî kûrayî leqa, zaf cinîyê qehremanî verê xo dayî xoverdayîşî. Têkoşînê azadîye, semedê cinîyanê kurdan û şarî emrê qijî de ame nasnayene û têkoşîno ke heqîqetî dir bi yew û ame domnayene. Şarê kurdî pêwa pêro nê dejî, bi têkoşîn û bedelan resayî nê rojan. Semedê heqîqetê kurdî û bîyayîşî têkoşînêk gird ame dayîş. Yewe serkêşanê nê têkoşînî Evîn Goyî (Emîne Kara) 32 serrî bêmabê têkoşîn domnayene, bî.

 

Cuya ke aye rê ame ferzkerdiş qebûl nêkerd

 

Evîn Goyî 1974ine de Qilebanê Şirnexî de dewa Hîlal de ameye dinya. Emrê qijî de tedayanê dewlete nas kena û têkoşînê aye zî semedê nê emrê qijî de dest pêkeno. Pêro cuya xo de serkêşîye kerde û hemverê cuya ke aye rê ame ferzkerdiş 1988ine de verê xo da koyanê Kurdistanî.

 

Va ‘Azadîya şarê Kurd bi azadîya cinîyan ca yena’

 

Evîn Goyî azadîya şarê kurdî bi azadîya cinîyan ca vînena û têkoşînê cinîyanê kurdan bi nê vatişan qal kena: “Roja têkoşîn ameyo destpêkerdiş heta ewro, qehremanîya ke cinîyanê kurdan mojnaya winî gird a ke qalkerdişê ci zehmet o. Dereceyê nê têkoşînî derecê tewr corine de yo.”

 

Prensîbê aye cinîya rêxistinkerde bî

 

Evîn Goyî ke şertanê tewr zehmetan de têkoşînê azadîya kurdî û azadîya cinîyan domnayene, bi hişmendîya têkoşînê koyan domnayene, verê xo da Rojawan û hemverê tarîtîye de têkoşîn da. Evîn Goyî ke 2012ine de şîye Rojawan, hemverê tarîtîya DAIŞî de têkoşîn domnaye û heto bîn ra zî semedê cimatê demokratîk kedêka gird da. Keyeyan heta taxan, dewan heta bajaran û kantonan şina her cayî. Semedê Evîn Goyî tesbîtê ‘tena cinîya rêxistinkerde eşkena azad bibo’ prensîbo tewr bingehîn o. Semedo ke sazgeh, akademî û rêxistinbîyayîşê cinîyan zêde bibê kede û hewldayîşêk gird dana. Hemverê DAIŞî de cinîyan û cimatî rê hişmendî awan kena û xebatanê rêxistinbîyayîşî domnena. Evîn Goyî têkoşînê hemverê DAIŞî de birîndar bena û semedê dermankerdişî şina Fransa.

 

Merkezê moralî yê şorişê cinîyan

 

Evîn Goyî her cayî sey cayê têkoşînî vînena û her şert û mercan de têkoşînê azadîye domnena. Pêwa dermankerdişî dest bi xebatan kena. Têkoşînê her çar hetanê Kurdistanî gird ke resna Parîs. Evîn Goyî semedê hevalanê xo ‘merkezê moralî yê şorişê cinîyan’ bîye. Hevalê aye ke nê ardêne ziwan dîyar kenê ke hedefgirewtişê Evîn Goyî tesaduf nîyo.

 

Evîn Goyî 23ê Kanûna 2022ine de demo ke semedê 10ine serrgêra qirkerdişê Parîsî yê 2013ine amadekarî kerdêne, hêrişê hemverê Merkezê Kulturî yê Kurdan yê Ahmet Kaya de eynî bajarî de, Mîr Perwer û Abdurrahman Kizil dir ameye qetilkerdiş. No zî bi qirkerdişê dîyine yê Parîsî.

 

Dimayê qirkerdişî gumanbar bêro tepiştiş zî, gumanbarê bingehînî nêvecîyayî meydan û dosya roşn nêbîye. Şarê kurdî dîyar kerd ke no qirkerdişêk tesaduf nîyo û plankerde yo. Hevalanê Evîn Goyî ke hevala xo qal kerdî, têkoşînê aye dewr girewtî û kuçeyan de hesab persayî. Ê ke ewro têkoşînê aştîye kenê, rêça Evîne, Sara, Rojbîne û Ronahî de domnenê.