AMED - Kursê meslegî yê ke semedê cinîyan yenê organîzekerdiş û hetê Mudurîya Polîtîkayê Cinîyan ê Şaredarîya Peyasî ra Bazarê Keda Cinîyan yenê dayîş, cuya cinîyan asan kenê. 

 

Şaredarîya Peyasî semedo ke kede û zehmetîyê cinîyan bîyaro ziwan, înan hetê komelkî û ekonomî de bihêz bikero û piştîdayîş mîyanê cinîyan de xurt bikero, xebatanê xo bêmabêne domnena. Demê neweyî yê kursê tekstîlî, destkarî û ewnîyayîşê rî ke Atolyeya Cinîyan a Bazarê Keda Cinîyan dest pêkerda, hetê cinîyan ra eleqeyêk pîl vînena.

 

Cinîyê ke nê kursan bi serkewte biqedênê, do bibê wayîrê mesleg û berardeyê xo yê bi destê xo viraştê, merkezo ke cinî bi xo Bazarê Keda Cinîyab îdare kenê, biroşê. Bi nê hawayî do hem rotiş û hem zî semedê ekonomîya keyeyê xo hetkarî bikerê.

 

Cinîyê ke atolye de pîya kom benê, tena mesleg nêmusenê, eynî wextî de mîyanê piştdayîş de zî berardiş kenê.