STENBOL - ÎSÎG’î raporê xo yê aşma teşrîna peyêne de neql kerd ke 216 karkerî karî ser o dinyaya xo bedelnayî. 

 

Meclîsê Weşîye Karkeran û Asayîşê Karî (ÎSÎG), raporê xo yê “cînayetê karî” yê aşma teşrîna peyêne eşkera kerd. ÎSÎG’î, da zanayîş ke aşma teşrîna peyêne de 216 karkerî karî ser o dinyaya xo bedelnayî. Bi domdarî ame vatiş ke nê karkeran ra 197 ci ra mêrde, 19 cinî û 13 zî tut ê. Ame vatiş ke nê karkeran ra 12ê ci multecî yê. 

 

Cînayetê karî se ra 71ê ci karê înşaetî de, se ra 34 karê ramitiş-daristanî de, se ra 31 karê resî de, se ra 14 karê buro-bazirganî de û se ra 12 zî karê madenî de bî.