MERKEZÊ XEBERAN – Hemserekê Yenîşehîr, Farqîn, Pirsûs û Nisêbîn semedê munaqeşekerdişê averşîyayîşê herêmî û babetê têhetameyîşê hemparî de serdayîşê Temsîlkarîya Partîya DEM’î û Meclîsê Kurdistanî yê Hewlêrî kerdî.

 

Temsîlkarîya Partîya DEM’î û Meclîsê Kurdistanî yê Hewlêrî yê Başûrê Kurdistanî hemserekê cinîyan yê ke bajarê Tirkîya û Kurdistanî ra ameyî, wayîrîye kerd. Hemsereka Şaredarîya Farqîn Sevim Biçici, Hemsereka Şaredarîya Yenîşehîrî Safiye Akdag, Hemsereka Şaredarîya Pirsûsî Ayten Kaya û Hemsereka Şaredarîya Nisêbînî Gulbun Şahîn tewrê serdayîşî bîyî.

 

Averşîyayîşê herêmî û îdareyê herêmî mîyanê rojeva kombîyayîşî de ca girewt

 

Kombîyayîşan de averşîyayîşê sîyasî yê herêmî, rewşê nika yê îdareyê herêmî û perspektîfê xurtkerdişê têhetameyîşê mîyanê şaredarîyan ameyî munaqeşekerdiş.