MERKEZÊ XEBERAN - Akademîya Ekonomîya Komelî ya Herêmê Vakur û Rojhelatê Sûrîye dewreyêkê perwerdeyî bi nameyê muxabîra ajansê ANHA’yî Cîhan Bîlgîn dest pêkerd.

 

Akademîya Ekonomîya Komelî ya Herêmê Vakur û Rojhelatê Sûrîye ke bajarê Hesekê de semedê yadkerdişê muxabîra ANHA’yî Cîhan Bîlgîn, dewreyêkê perwerdeyî bi nameyê aye dest pêkerd. Sazîyê ekonomî yê Vakur û Rojhelatê Sûrîye ra 37 kesî tewrê dewreyî bîy.

 

Akademîya Ekonomîya Komelî ke 17ê teşrîna peyêne 2024ine ameye akerdene, dewreyê perwerdeyî yê 7ine rêxistin kena.

 

Muxabîra ANHA’yî Cîhan Bîlgîn pêwa rojnameger Nazim Daştan demo ke hêrişê dewleta tirke û çeteyanê aye taqîb kerdêne, 18ê kanûna 2024ine de hêrişê hewayî yê dewleta tirke de başûrê Kobanê dinyaya xo bedelnaye.

 

Dewreyê perwerdeyî do goreyê 3 qonaxan bêro rêxistinkerdiş: Qonaxê yewine de dersê îdeolojî ser naskerdişê tarîx, şexsîyet, senînîya averşîyayîşê têgehîya erênîye bêrê dayene. Qonaxê dîyine de do dersê ekonomî, senînîya averşîyayîşê xebatanê ekonomî û destnîşankerdişê mîsyonê her endam/ê bêrê dayene. Qonaxê hîrêne û peyênî de zî do dersê derheqê têgehê xonaskerdişî û cuya komînalî de bêrê dayene.

 

Perwerde do heta 12ê kanûne bidomîyo.