MERKEZÊ XEBERAN - Xebatkara têkoşînê azadîye Bêrîvan Kûrt (Nûra Kûrt) bajarê Aurichî de ameye yadkerdiş.

 

Bêrîvan Kûrt (Nûra Kûrt) ke 5ê kanûna 2024ine bajarê Halle Saale yê Almanya de koçê peyêne kerde, serra yadkerdişê koça aye ya peyêne de bajarê Aurichî yê Almanya de bi merasîmêk ameye yadkerdiş. Bi seyan kesî tewrê yadkerdişî bîy.

 

Yadkerdiş de Rûken Bêrîvan cuye û têkoşînê dayîka xo ser o qisey kerde û va: “Hevala Bêrîvane hemverê zilmî sere wedarna û têkoşîn kerde.”

 

Bi nameyê Keyeyê Şehîdan Fîkrîye Ferho qisey kerde û ard ziwan ke Bêrîvan Kûrt numûneyê dayîkeyêke bicesaret û xebatkare bî û dîyar kerde ke aye pêwa di kênekanê xo cuya xo kerdî gorê kurd û Kurdistanî.

 

Meclîsê Cinîyan ê Aurichî Fatma Saka zî bale ante ser şexsê Bêrîvan Kûrte û dîyar kerde ke Bêrîvan Kûrt cuyêka azad tercîh kerd.

 

Nûra Kûrt ke bi nameyê Bêrîvan Kûrt yena naskerdene serra 1959ine Wêranşar de dayîka xo ra bîye û bi desine serran mîyanê têkoşînê azadîye de kede da.