MERKEZÊ XEBERAN – Yewîya Cinîyanê Elewîyanê Demokratîkan (DAKB), derheqê hêrişê karkera Can TVî Ezgî Soysal ser o eşkerayîyeka nuşteyî da.

 

Yewîya Cinîyanê Elewîyanê Demokratîkan (DAKB), derheqê hêrişê roja verêne karkera Can TVî Ezgî Soysal ser o ame kerdiş de eşkerayîyeka nuşteyî da.

 

Na eşkerayî de şîdetê sîstematîk ê Ezgî Soysal ser o ame şermezarkerdiş û wina ame vatiş: “Ezgî Soysal, taxa Kayişdagiyê ya Ataşehirî de hetê cîrananê xo ra nêzdîyê çar serran o bi hawayêko sîstematîk rastê tacîz, tehdîd û şîdetê fîzîkî yena.”

 

Dewamê eşkerayî de nê çî ameyî vatiş: “Nê prosesî de dorê keye aye ame lêşinkerdiş, otomobîla aye rê zirar ame dayîş, keyeyê aye ame tehdîdkerdiş; xeylêk reyan muracatê qereqol, şaredarî û dozgerî kerd la tu sazgehê dewlete wezîfeyê xo bica nêard. Peynî de, şewa 28ê teşrîna verêne hetê komêk des kesan ra rastê hêrişî ameye, Ezgî Soysal tehlukeyê mergî derbaz kerd, berdîya nêweşxane, la hêrişkarî hema azad ê. Na hedîse tena şîdetêk şexsî nîya; na dişminîya cinîye ya sîstematîk ke bi sîyasetê bêcezakerdişê dewlete ra yena pawitiş a. Ezgî Soysal tena rojnamegerêke nîya. Aye cinîyêke ya elewî ya, vengê rastîye ya, vengê şarî ya, karkerêka jîyatî ya. Hêrişê aye ser, hêrişê cinîyan, elewîyan, rastî û çapemenîya azade ser o. Bêvengîya dewlete, bîya cesaretê failan. Na bêvengîye hemkarîya sûcî ya. Ma cinîyê elewî, talibê Rayîrê Heqî ma zilmî rê razî nêbenê. Wexto ke cinî mirenê, heqîqet yeno betalkerdiş, bêvengîya dewlete înkarê edaletî yo. Ma dewlete û dezgehanê hukmî rê venga wezîfekerdişê înan danê.”