MERKEZÊ XEBERAN - Tora Heqê Merdiman ê Kurdistanî neql kerd ke Sîrovan Şaûle ya ke bajarê Mahabadî de ciwîyena, sereştişê keyeyê xo de ameya destbendkerdiş. Nîno zanayîş gelo Sîrovan Şaûle ça yena tepiştiş.

 

Tora Heqê Merdiman ê Kurdistanî eşkerayîyêke da û neql kerd ke Sîrovan Şaûle ke bajarê Mahabadî de ciwîyena, hetê hêzê asayîşî ra netîceya sereştişê keyeyê xo de ameya destbendkerdiş û nîno zanayîş ke ça yena tepiştiş.

 

Goreyê eşkerayîye, hêzê girêdayeyê wezaretê îstîxbaratî, erzîya keyeyê Sîrovan Şaûle ser û tu qerarêk dadgehe pêşkêş nêkerdê. Eşkerayîye de ame vîrardiş ke mêrdeyê Sîrovan Şaûle, Celal Sedefî 15ê kanûna 2024ine de hetê hêzê wezaretê îstîxbaratî ra ameyo tepiştiş û hema zî zîndanê Mahabadî de bi hawayêk nêdîyar yeno tepiştiş. 

 

Sîrovan Şaûle, aşma sibata 2025ine de serê vengdayîşê Midurîya Îstîxbaratê Mahabadî çend saetan ameya cipersayîş û tehdîdê tepiştişî aye rê ameyo kerdiş.

 

Derheqê sebebê destbendkerdiş û sûcê Sîrovan Şaûle rê yenê barkerdiş de tu agahî nêameyî parekerdiş.