MERKEZÊ XEBERAN – Bajêrê Merîwanî yê Rojhelatê Kurdistanî de şewatê daristanî ke 6 rojî dewam kerd, teberê astengîyanê selahîyetdaranê Îranî, bi hewldayîşê hemparî yê endamanê Encûmenê Kesk ê Koyê Merîwanî û şaran ameyo kontrolkerdiş.

 

Şewatê daristanî ke 6 rojî bajêrê Merîwanî yê Rojhelatê Kurdistanî de dewam kerd, zîyanêk pîl da derûdorî. Encûmenê Kesk ê Koyê Merîwanî derheqê şewatê ke nêzdîyê dewa Hencîranî de bî de eşkerayîyêke da û dîyar kerd ke teberê heme astengîyanê selahîyetdaranê Îranî, endamê encûmenî û şarî pîya têgêrayî û şewat kontrol kerd.

 

Eşkerayîye de ame vatiş ke şewatê demderg zîyanêk cîdî dayo ekosîstemê herêmî. Encûmenî bale ante ke şewatê dewamê nê tena warê daristanî wêran kenê, la hema wext de ciwîyayîş û debara şarê herêmî û asayîşê derûdorî zî tehluke de verdeno.