Melîke Aydin

 

ÎZMÎR - Parlamentera DEM Partîye Burcugul Çubuk va ke pakêtê hukmî ke vejîyenê werte tena qanûnî nîyê, angajmanê înan ê îdeolojîkî zî est ê û va pakêta hukmî ya newî ke amadekarîya ci kenê zî armancê parçekerdişê têkoşînê cinîyan gêna û eke bibo qanûn do zaf sûcan awan bikero.

 

11ine Pakêta Hukmî ya ke hetê AKP’yî ra ameye amadekerdiş, goreyê agahîyanê ke rayapêroyî de ameyî dîyayîş bi armancê parçekerdişê têkoşînê cinîyan, zêdekerdişê cezayanê ke tutan ser o yê û LGBT+yan hetê huqûqî de teng keno. Pêşnîyazîyê ke hema bi temamî nînê zanayîş, hetê pawitoxanê heqan, rêxistinê cinîyan û partîyanê muxalefetî ra rastê reaksîyonan yena.

 

Parlamentera Partîya Têduştî û Demokrasî (DEM Partî) ya Îzmîrî Burcugul Çubuk derheqê 11ine Pakêta Hukmî ya ke amadekarîya ci kenê de ercnayîş kerd.

 

Hewldayîşê parçekerdişê têkoşînê cinîyan

 

Burcugul Çubuk va ke wexto 10ine Pakêta Hukmî ameye, verî cû hîn agahîyêk ameyî eşnawitiş û kewtebî rojeva rayapêroyî û va: “Verî cû nebzê rayapêroyî ame girewtiş. Bi taybetî bi mutabaqatekê komelî yê hîra wayîr vêjîyayîşê têkoşînê azadîya cinîyan ame kerdiş. Waştişê têkoşînî hetê mêrdan û cinîyan ra wayîr ci rê ame vetiş û ame meşrûjerdiş. No mutabaqat parçekerdişê LGBTÎ+yan ser o ame kerdiş. Yê ke meşrû kerdî, newe ra awan kenê  û hewl danê têkoşînê ma teng bikerê, çin bikerê. Çîyê ke wazenê bikerê no yo ke warê şîdetê LGBTÎ+yan ser o azad bikerê. Armancê înan no yo ke reaksîyonanê şarî bipelçiqnê.”

 

‘Pêşnîyazqanûn her kesî tehdîd keno’

 

Burcugul Çubuk dîyar kerd ke her çîyê ke îqtîdar keno sebebê meşrûbîyayîşê ciwîyayîşan û sûcan û wina va: “Ma hema dewleta ke qetilkeranê Ahmet Yildizî nêdîyê de ciwîyenê. Dewlete bi nê pakêtanê hukmî îdîa kena ke sererastkerdişê baş kena la zêde zîyan dana. Nê cezayî pê nînê. Eke pê bêrê zî, mekanîzmayê cezaye qîm nêkena. Zîndanan de kapasîteyî 2-3 qatî zêdeyêrî kesî manenê û asayîşê înan çin o. Her kes yeno tehdîdkerdiş. Mîsal, cinîyan rê vanê rolanê xo ra vejîyê. Mêrdan rê zî nê kenê. Pakêtê hukmî tena qanûnî nîyê, angajmanê înan ê îdeolojîkî zî est ê.”

 

‘Bê vurnayîşê qanûnan eşkenê cezaya giranî bidê’

 

Burcugul Çubuk wina temam kerd: “Semedê tutan ke sebebê qetilkerdişê tutî de 24 serrî ceza ameye dayîş. Eşkera yo ke qanûn bi na rewşe eşkenê cezayanê giranan bidê. Mesela esasî na ya ke şertê zerrî bêrê başkerdiş û tutî reyna sûc nêkerê. No muhîm o. Caye mekanîzmayanê ke vernîya kewtişê tutan yê zîndanan bigîrê, hewldatîşê mekanîzmayêk de yê ke zêde tutan zerre de bigîrê. Nêpersenê ke tutî nê sûcan çira kenê.”