ANQARA - Endamê Heyetê Îmraliyî şî serdayîşê sîyasetmedaranê tepişteyan Fîgen Yuksekdag, Selahattîn Demîrtaş, Semra Guzel û Selçûk Mizrakli. 

 

Endamê Heyetê Îmraliyî yê DEM Partî Pervîn Buldan û Mîthat Sancar, şî serdayîşê Hemserekê Pêroyî yê HDP’yî yê verê Fîgen Yuksekdag û Selahattîn Demîrtaş, Hemşaredarê Şaredarîya Amedî ya Şaristanê Girdî yê verê Selçûk Mizrakli ke vera ci qeyûm amebî tayînkerdiş û wekîla HDP’yî ya verê Semra Guzel. 

 

Heyet, derheqê serdayîşî de eşkerayîyêke nuşte weşan kerd û va ke rewşa înan bi pêroyî baş bî. 

 

Bi domdarî ame vatiş ke pêvînayîşî de bi esasî prosesê aştîye ser o qisey kerdê û siyasetmedarê tepişteyî piştdayîş dayê û ardê ziwan ke semedê serkewtişê prosesî amade yê her çi keweno milê înan ser o do bikerê. Heyet, dewam de va ke tepiştişê hevalê înan ê zîndan de nîno qebûlkerdiş, ganî no bêedaletî lezkî peynî bibo û azad bibê.