MERKEZÊ XEBERAN - Zêdeyî 520 kesayetî ke pawitoxê heqanê merdiman û sîyasetmedar zî mîyan de yê, bi eşkerayîyêk hempar venga rejîma Îranî kerd ke cezaya dardekerdişî vindarno.

 

Zêdeyî 520 kesayetî sîyasî û pawitoxê heqanê merdiman dinya de hemverê cezaya dardekerdişî yê Rojhelatê Kurdistanî û Îranî eşkerayîyêka hembeşî da.

 

Eşkerayîye de ame diyarkerdiş ke wextê Mesûd Pîzîşkiyan serokkomarê Îranî bi, zêdeyê hezar û 800 kes Îran de ameyî dardekerdiş. Sewbîna ame vatiş ke her hîrê saetan reyêk kes ame dardekerdiş, serê serre zî 38 cinî ameyî dardekerdiş.

 

Dewam de ame vatiş ke nika zêdeyê 50 tepişteyê sîyasî, hîrê înan ra cinî (Werîşe Muradî, Pexşan Ezîzî û Şerîfe Mihemedî) tehlukeyê dardekerdişî înan est o û hetê dadgehe ra rayê dardekerdişê înan ame dayîş.

 

Beşê bînan ê eşkerayîya hembeş de ame vatiş: “Îran wazeno serra 1988ine eynî bikero ke peynîya cuya 30 hezar tepişteyanê sîyasîyan ardî bî. Ma waştiş kenê ke lezkî cezaya dardekerdişî yê Rojhelatê Kurdistanî û Îranî, bi taybetî dardekerdişê tepişteyanê sîyasî, biqedîyo.”

 

Sewbîna ame waştiş ke Neteweyê Yewbîyaye, Komîsyonê Berzî yê Heqanê Merdiman û rêxistinê mîyanneteweyîyan semedê cezakerdişê kesanê ke destê înan binpêkerdişê heqanê merdiman de yo, lezkîn game bierzê.