MERKEZÊ XEBERAN - Başûrê Kurdistanî de, 1ê Êlule-7ê Teşrîna Verêne de tewr tay 6 cinî û tutêke qetil bîyî. Cinîyêke bişik dinyaya xo bedelnaye. Destpêkê serra 2025ine ra heta nika 35 cinî qetil bîyî.

 

Goreyê dayeyanê Nujinhayî, Başûrê Kurdistanî de zêdebîyayîşê qetilkerdişê cinîyan bale anceno. Sebebê şîdetî mîyanê Başûrê Kurdistanî de nêbîyayîşê serdestîya huqûqî, mudaxaleyê qerarê dadgehan û polîtîkaya bêceza, rolê tradîsyonelî zî heqê cinîyan nêvînenê.

 

Deyayê qetilkerdişê cinîyan ê Başûrê Kurdistanî yê 1ê êlule-7ê teşrîna verênê wina yê:

 

“* 5ê êlule, nehyayê Derbendîxanî yê girêdayeyê Sileymanî de Çawan Hesen hetê mêrdeyê xo ra qetil bî.

 

* 6ê êlule, Helebce de cenazeya qetilkerde ya C.F.S. (54) û kênaya aye M.M.E. (17) amî dîyayîş.

 

* 8ê êlule, nehyaya Kifrî de cinîyêka 21 serrî bi hacetê birnayî qetil bî.

 

* 25ê êlule, Evin Salih, nehyayê Ranyayî de vejîyayîşê şewatî de bişik dinyaya xo bedelnaye.

 

* 26ê êlule, cinîyêka 23 serrî, Kerkûk de hetê birayê xo ra bi çeke qetil bî.

 

* 27ê êlule, semtê Qirgeyî yê Sileymanî de cinîyêke keyeyê xo de hetê kesêk nênasî ra qetil bî. Kiştox dima ra ame destbendkerdiş û tepiştiş.

 

* 7ê teşrîna verêne de semtê Karêzewşkî ya Sileymanî de, cinîyêke hetê mêrdeyê xo ra qetil bî.