MERKEZÊ XEBERAN- Ame neqlkerdiş ke rewşa  weşîya tepişteya sîyasî ya kurde û aktivîsta Kampanyaya Mîlyonêk Îmzeyan Sumeya Reşîdî ya ke Îran de tepişteya, giranêr bîya.

 

Sumeye Reşîdî ke Zîndanê Veramîn Karçakî yê Tehranî de yena tepiştiş, semedê rewşa aye ya weşîye giran bî, wedarnayî Nêweşxaneyê Meftehî.

 

Sumeye Reşîdî 24ê nîsane de dimayê ke destbend bî, amî tepiştiş. Keyeyî aye, dîyar kerd ke rewşa aye ya weşîye giran a û tehlukeyê cidî viraznena û nê semedî ra xemgînîya xo ya semedê cuya aye ardî ziwan.

 

Sumeye Reşîdî 26ê Nîsane de Merkezê Destbendkerdişî yê 15ê Hezîrane de semedê beşê cinîyan ê Zîndanê Evîne amî şirawitiş. Dimayê hêrişo ke Îsraîlî 23yê Hezîrane de Zîndanê Evîne ser o kerd, aye şirawitî Zîndanê Qerçekî.

 

Doktoran sewîyeya şiûrê Sumeye Reşidî sey 5 erjna û hişyarî dayî ke eke na sewîya bikewa 3, tehlukeyê mergî zaf cidî yo. Keyeyî, dîyar kerd ke selahîyetdarî hewl danê na rewşe sey “hewldayîşê întîxarî” bimojnê.