MERKEZÊ XEBERAN- Ame neqlkerdiş ke dewleta Îranî zextê xo yê cinîyan ser o Rojhelatê Kurdistanî de zêde kerdê.

 

Goreyê eşkerayîya Rêxistina Pawitişê Heqê Merdiman ê Hanayî, 16ê êlule de cinîya bi nameyê Nehye Rehîmî ya 71 serrî û serewedaritişê ‘’Jin, Jiyan, Azadî’’ de tuta aye amîya qetilkerdiş, Sine de hetê hêzê îstixbaratî ra bê qerarêk fermî ameya destbendkerdiş.

 

Ame neqlkerdiş ke Nehye Rehîmî bi saetan cipersayîşî dir rî bi rî menda û tehdîd aye rê ameyo kerdiş ke beşdarê tu çalakîyê yadkerdişî nêbo.

 

Sewbîna eynî roje de çar aktîvîstê cinî yê bi nameyê Sîmîn Çayçî, Fatme Zendkerîmî, Merziye Murad Weysî û Sewsen Razanî bajarê Sineyî de hetê  hêzê îstixbaratî ra ameyo waştiş ke îfade bidê. Ame diyarkerdiş ke tehîdîd cinîyê ke derheqê înan de cipersayîş ameyo destpêkerdiş, ameyo kerdiş.