MERKEZÊ XEBERAN - Heyetê DEM Partîye yê Îmraliyî derheqê pêvînayîşê bi Abdullah Ocalanî de eşkerayî da. Heyetî ard ziwan ke Abdullah Ocalanî va ke “Komelo demokratîk, aştî û entegrasyon 3 têgehê prosesî yê eslî yê.”

 

Wekîla DEM Partî ya Wanî Pervîn Buldan, Wekîlê Riha Mîthat Sancar û avûkatê Buroya Hîqûqî ya Asrinî Faîk Ozgur Erol ke Heyetê DEM Partîye yê Îmraliyî de ca gênê, vizêr bi Rayberê Şarê Kurdî Abdullah Ocalanî de pêvînayîş kerd.

 

Pêvînayîş 3 seatan domya. Heyetî, derheqê pêvînayîşî de eşkerayî da.

 

Eşkerayî wina ya:

 

“Çapemenî û Raya Pêroyî rê

 

28ê Tebaxî de ma Îmraliyî de bi Birêz Ocalanî de pêvînayîş kerd. Pêvînayîş 3 seatan domya. Weşîye û moralê birêz Ocalanî zaf weş bi.

 

Pêvînayîşî de, derheqê qonaxanê prosesê Aşîtî û Komelê Demokratîkî ke tîya ra ravêreno û asta ke ma resayî, bi hîra ercnayî. Ard ziwan ke problemê ke ma ciwînê, sey mudaxeleyê cerahî yê taybetî lazim bikero, kangren bîyo. Diyar kerd ke bi na hesasîyetî nêzdî prosesî benî û hetanî rojê ma ardî. Va; hedefê ma o yo ke seba qedênayîşê prosesî yê dejî, çi dest ra yeno bêro kerdene.

 

Ard ziwan ke komelo demokratîk, aşîtî û entegrasyon, 3 têgehê prosesî yê eslî yê û serê nê esasî de eşkenî xo biresnî netîce. Nîşan kerd ke seba naye zî lazim o ke gamanî hemeyê astan de tavilî bêrî eştene û bal ant serê lazimîya bi qonaxê neweyî.

 

Birêz Ocalanî va ke ey tim komarêke demokratîke û entegrasyonêke serê bingehê komelê demokratîkî tercîh kerdo û ard ziwan ke famkerdişê na hemleya stratejîke û wayîrbîyayîşê ci do ma pêro û Tirkîya bidî qezenckerdene.

 

Dewreyê sîyasetî û çapemenî bi nêzdîkayîşêko rêzkerdişî îzeh kenî û wina gênî dest. Eşkera yo ke nê nêzdîbîyayîş zerar danî prosesî.

 

Bi na wesîle, bawerîya xo ya bi dostanîya peynî ya mabenê şaran de û aşîtîye zî cşansê neweyî ard ziwan.

 

Silam û rêz…

 

Heyetê DEM Partîye yê yê Îmraliyî.”