STENBOL - Veysî Aktaşo ke 10 serrî yo Zîndanê Girewteyê Îmraliyî de tepişte bi û tehlîyeyê ey serrêke û 3 aşmî amebî taloqkerdiş, tehlîye bi.

 

Veysî Aktaşo ke Zîndanê Asayîşê Berzî yê Tîpê Fyê Îmraliyî ameyîne tepiştiş, dimayê 31 serrî û 3 aşmî tehlîye bi.

 

28ê nîsana 2024ine sey qanûnê înfazê cezaya ey yê 30 serran temam bî. Labelê bi qerarê Heyetê Îdare û Çimdarîyê tehlîyeyê Aktaşî semedê serrêke ame taloqkerdiş.

Dimayê serrêke, veradayîşê Aktaşî semedê 3 aşmî ame taloqkerdiş. Aktaşo ke veradayîşê ey serrêke û 3 aşmî ame taloqkerdiş, 25ê temmuze Zîndanê Îmraliyî ra tehliye bi.

 

2015ine de sewqê Îmraliyî bibi

 

Veysî Aktaş, serra 2015ine de semedê wezîfeyê “Sekreterya” pêwa Mehmet Saît Yildirim, Omer Hayrî Konar, Çetîn Arkaş, Narullah Kuran sewqê Zîndanê Îmraliyî bîbî. Aktaş, serra 2015ine heta nika Zîndanê Îmraliyî de ameyîne tepiştiş.