DÊRSIM - Festîvala Kultur û Xoza ya Munzûrî de hemverê madenêk ke yeno waştiş ke taxeke girêdayeyê Dersimî de bêro viraştiş, rayîrşîyayîşêk ame organîzekerdiş.

 

Çarçewaya 23ine Festîvala Kultur û Xoza ya Munzûrî ya bi şîarê ‘’Dersim cu yo; dest mede xoza, îrade, ziwan û bawerîya mi’’ yena organîzekerdiş de hemverê madenêk ke yeno waştiş taxêke girêdayeyê Dersimî de bêro akerdiş, rayîrşîyayîşêk ame organîzekerdiş. Şar semedê rayîrşîyayîşê ke bi serkêşîya Platformê Pawitişê Xozaya Geyîksûyî û dewê derûdorê ci ame organîzekerdiş. Rayîrşîyayîş de pankartê, ‘’Wayîrê xozaya xo vejî û rayîr mede madenî’’ û dowîzê bi nuşteyê ‘’Dest mede pîrozîyanê mi’’, ‘’Madenê siyanûrî rê nê’’ û ‘’Dest mede herra mi, awa mi û xozaya mi’’ ameyî berzkerdiş. Sloganê sey; “Ma Dersim de maden nêwazenê’’, ‘’Geyîksû xo ver dano’’, ‘’Dest mede xozaya mi û awa mi’’ û ‘’Ma do bi têkoşîn ser bikewê’’ ameyî berzkerdiş.

 

Verfekê Platformê Pawitişê Xozaya Geyîksûyî û Dewanê Derûdorî Hidir Yildizî wina va: ‘’Sey pêro babetan, fikrê ma yê derheqê wareyê cuye muhîm ê. Xeylêk cayê Dersimî de bi hezaran hektar erd semedê madenî ameyê dîyarkerdiş û ruxsetê înan ameyo dayîş. Şîrketanli vernî de dafike dayo ro. Wexto ke ê biwazê xozaya ma talan bikerê, ma do destûr nêdê. Ma platform zî nê semedî ra awan kerd. Ma do wareyê cuya xo bipawê. Têkoşînê ma yê heqdar û meşrû, dewam keno û do dewam bikero zî.’’