MERKEZÊ XEBERAN- Goreyê kampanyaya ‘Sêşemê Nê Cezaya Dardekerdişî dir’ serrê sere ra 

 

Rojhelatê Kurdistanî û Îranî de 424 kesî ameyî dardekerdiş.

 

Kampanyaya ‘Sêşemê Nê Cezaya Dardekerdişî rê’ ke hetê tepişteyê sîyasî yê 38 zîndanê Rojhelatê Kurdistanî û Îranî ra ameya destpêkerdiş, hewteyê 75ine de, derheqê dardekerdişî de eşkerayîyêke vila kerd.

 

Goreyê eşkerayîye mîyanê hewteyêk de 17 tepişteyî ke yewe înan ra cinî ya, Rojhelatê Kurdistanî û Îranî de ameyê dardekerdiş.

 

Kampanyaye dîyar kerd ke serê serra 2025ine heta nika, Rojhelatê Kurdistanî û Îran de 424 kesî ameyê dardekerdiş.

 

Ame vatiş ke roja çarşemeyê vîyarte 3 kolberê kurdî yê bi nameyê Azad Şucaî, Idrîs Elî û Resul Ehmed bi tometê sîxurî ameyê dardekerdiş.