EDENE - Şînê endama YJA Starî Bêrîvan Araz ke serra 2019ine de Herêma Federe ya Kurdistanî de dinyaya xo bedelnabî, bi girseyî ame zîyaretkerdiş. 

 

Semedê endama YJA Starî Bêrîvan Araz (Bêrîtan Harûn) ke 15ê hezîrana 2019ine de Herêma Federe ya Kurdistanî de dinyaya xo bedelnabî, Taxa Ovayî ya qezaya Seyhanî ya Edeneyî de şîn ame ronayîş. Şîn, bi serkêşîya Komeleya Hetkarî û Paltdayîşê bi Keyeyê Xizmê Xo Vînî kerdî yê Akdenîzî (AKKAY-DER) û bi beşdarîya temsîlkarê rêxistinê partîyê sîyasî û komelê sivîlî bi girseyî ame zîyaretkerdiş. 

 

Girse, bi rayîrşîyayîşêk heta cayê şînî şi, sersaxî keyeyî rê waşt û vatî ke do têkoşînê Bêrîvan Araze dewam bikerê.