MERKEZÊ XEBERAN - Kongra Star tayînkerdişê qatilê Sekretera Pêroyî ya Partîya Ameyoxî Hevrîn Xelefe, semedê fermandarîya leşkerî şermezar kerd û venga muhakemekerdişê kiştoxê cinîyan kerd.

 

Heyet Tehrîr El Şam ê cîhadîst, çete Ehmed El Hayis (Hatim Ebû Şeqra) ke nameyê ey lîsteya cezayê Amerîkayî de yo, semedê fermandarîya Firqeyê 86. tayîn kerd. Ebû Şeqra ke serçeteyê koma Ehrar El Şerqiye yo, serra 2019ine de Sekretera Pêroyî ya Partîya Sûrîyeya Ameyoxî Hevrîn Xelefe qetil kerd. Kongra Star hemverê nê qeraro ke qatilê Hevrîn Xelef sey fermandarê komêk leşkerî tayîn kerd, eşkerayîyêke da.

 

Eşkerayî bi tewrbîyayîşê Endamê Rêxistina Kongra Star, verê Merkezê Kultur û Hunerî yê Mihemed Şêxo ame wendiş. Eşkerayî hetê Endama Koordînasyonê Kongra Star Gulîstan Gulo ra ame wendiş. 

 

Gulîstan Gulo dîyar kerd ke Hatem Ebû Şeqra sey fermandarê Firqeyê 86ine ê Wezaretê Pawitişî yê Îdareyê Demkî yê Sûrîye ameyo tayînkerdiş û wina va: “Berpirsyarê şîyayeyê wezaretê Hesekî, Reqa û Dêra Zorî yo. O hemverê pêameyê herême têgêrayîşêk dişminî yo. Bi pêroyî û bi taybetî hemverê îradeyê azad, heq û bihêzkerdişê cinîyanê Sûrîye. Ma eynî wextî de tayînkerdişêk wina, sey kerdişêk ke hemverê edaletê veguhêz o û her îhtîmalêk hazirî semedê aye û semedê temamê qonaxê veguhêz ke ma sey cinî û camêrdê Sûrîye hewce yê tehdît keno, vînenê.”

 

Eşkerayîye bi sloganê, “Jin jiyan azadî” peynî bî.