MERKEZÊ XEBERAN- Çarçewaya cipersayîşê dosyaya Gulîstan Doku de cinîya walîyê verên ê Dêrsimî Tuncay Sonelî zî tede 15 kesî ameyî destbendkerdiş.

 

Dosyaya Gulîstan Doku de averşîyayîşê neweyî qewimîyayê. Cinîya walîyê verên ê Dêrsimî Tuncay Sonelî û 3 doktorî zî tede 15 kesî ameyî destbendkerdiş.

 

Çarçewaya cipersayîşî de ke hetê Serdozgerîyanê Komarî yê Erzirom û Dêrsimî ra ameyêne rayraberdiş Xarpêt, Meletî, Anqara, Stenbol û Dêrsim de operasyonê hemwextî ameyî kerdiş. Sereştişê keyeyan de 3 doktorî, hemşîreyêk, wezîfedarêkê karanê agahî, 5 personelê arêdayîşê daneyan, cinîya Tuncay Sonelî Handan Sonel, kesêko ke yeno vatiş mudaxaleyê telefonê Gulîstan Doku kerdo, karsazêk û 2 cerdevanî zî tede 15 kesî ameyî destbendkerdiş. Kesê ke ameyî destbendkerdiş berdê mudiriyetê polîsan.