MÊRDÎN - Dimayê varan û vewra zafê na serre, dewa Fitne ya Dêrika Çiyayê Mazî de bi ahengêk zerrî ra herikîyayîşê çemî û vilê dewa Fitnê vîrê merdiman şa kenê. Boya vilan, vengê çemî vîr de aramîye awan keno.

 

Amayîşê wisarî dir, her cayê Kurdistanî bi zergûnîya xo boya merdiman hîra keno û vîrî geş keno. Her cayê Kurdistanî sey kartpostalêk vejîyeno vernî û tesîrêko baş serê psîkolojîya merdiman de keno. Reqsê vilan ê verê vayê wisarî de, vengê ke çemî ra yeno û hewayo ke rihê merdiman gane keno, hêvîyanê mîyanê vîrê merdiman de zî geş kenê. Dewa Fitne ya Dêrika Çiyayê Mazî ya Mêrdînî de zî bi amayîşê wisarî re no dîmeno weş vejîyeno vernîya merdiman. Dewa Fitne bi zergûnîya xo, bi awa ke cayanê cîyayan ra vejîyena û cayanê xo yê tarîxîyan vîrê merdiman mest û gane kena.

 

Vengê mîlçikan sey melodîyêk o

 

 

Dewa Fitne eynî wextî de bi tewirê mîlçikanê mîyanê daristanî zî dewlemend a. Bi renganê xo yê cîyayan, bi venganê xo yê cîyayan wisarî geşêr kena. Sey melodîyêk bi perayîşê xo azadîye ana vîrê merdiman.

 

Vilê rengînî, hêvîya aştîye geş kenê

 

 

Wexto ke ma dewa Fitne ra ewnîyenê, bi vilanê rengînan û tewir bi tewiran manayêka cîyaye wisarî rê bar kenê. Nê vilî hêvîya aştîye geşêr kenê û bi boya xo aramîye anê vîrê merdiman.

 

Eke rojêke rayîrê şima bi dewa Fitne kewt; şikeftê aye yê tarîxî, xirbeyê aye û Keleya Rebetî ya tarîxî zî do vernîya şima de bê ke hêvîyanê şima gane, vîrê şima zî geş bikerê...

 

Foto: Roza Metîna