AMED - Cinîyê ke tewrê Newroza Amedî bî dîyar kerdî ke ê azadîya Rayberê Şarê Kurdî Abdullah Ocalanî wazenê.

 

Meydanê Newroze ya Amedî de bi sloganê “Newroza aştî û yewîya demokratîk” Newroze yena organîzekerdiş. Welatijî bi cil û belgê xo yê adetî verê xo dayî meydanê Newroze. Dekewtişê meydanî de cinîyan timî deyîran va û sloganê “Jin Jiyan Azadî” berz kenê. Cinîyê ke tewrê Newroze bî mesajê xo ardî ziwan.  

 

Cinîyê ke tewrê Newroze bî dîyar kerdî ke ê bi serran o wazenê cuyêke û nasnameyêk azad bibo û nê semedî têkoşînê xo domnenê. Cinîyan sewbîna azadîya fîzîkî ya Rayberê Şarê Kurdî Abdullah Ocalanî waşt û vatî, bê ey azadiyêk mende pê nîna.