MERKEZÊ XEBERAN – TJK-E: 8’ê Adare ma do bi reng, coş û îdîaya ‘demê cinîyan o’ wareyan de bê. Ma venga şarê xo û hevalê xo danê ke heme cayî na îdîa, qerardarî û coşî pîl bikerê.

 

Têgêrayîşê Cinîyanê Kurdan ê Ewropayî (TJK-E) bi wesîleya 8ê Adare Roja Cinîyanê Kedkaran ê Dinya eşkerayîye da.

 

TJK-E’yî dîyar kerd ke kesê ke wazenê krîzê modernîteyê kapîtalîstî ra xelas bibê, hemverê şer bawerîya xo ya semedê azadî, aştî û cimatê demokratîkî pawenê û xo ver danê û destnîşan kerd ke çimeyê nê bawerîye paradîgmaya Rayberê Şarê Kurdî Abdullah Ocalanî ya.

 

TJK-E’yî neql kerd ke ê 8ê Adare sey serra newe ya têkoşînî zanê û vatî: “Semedê têkoşînî xeylêk sebeb û armancê ma est ê. Rayîro derg vernîya ma de yo. Ma bi qerardarî yê ke raywan û awankerdoxê nê rayîrî bibê. Ma do hemverê her tewir zîhniyetê ke ma sînordar kenê, yewîtîya neteweyî aver berê. Ma vîrardişê heme hemrayanê xo yê têkoşînê nîm seserre de şehîd bîyê gane bigîrê û dejê dayikan kêm bikerê. Ma kesê ke wayê ma bazarê koletîye de rotî û tehemûlê gila û bîyayîşê ma nêkenê, herra xo ra vejê. Ma do hesab çeteyê ke ciwanê ma kerdî mîyanê fûhûş û tiryakî bipersê.

 

8ê Adare ma do bi reng, coş û îdîaya ‘demê cinîyan o’ wareyan de bibê. Ma venga şarê xo û hevalê xo danê ke heme cayî de na îdîa, qerardarî û bi coş pîl bikerê û tewrê xoverdayîşê Rojawanî bibê.

 

Jin Jiyan Azadî!”