MERKEZÊ XEBERAN – Merkezê raporê HRANA’yî de ame dîyarkerdiş ke protestoyanê Îranî de tewr tay 6 hezar û 495 kesî ameyê qetilkerdiş.

 

Ajansê Heqê Merdiman ê Îranî (HRANA) roja 40ine ya protestoyan de raporê xo yê derheqê binpaykerdişê heqê merdiman de pare kerd. Rapor de ame dîyarkerdiş ke hêrişê rejîmê Îranî yê hemverê protestoyanê tewr kêmî 6 hezar û 495 kesî ameyê qetilkerdiş.

 

Rapor de yeno dîyarkerdiş ke hûmara hedîseyanê bi pêroyî wina ya; 31 qezayan, 210 bajaran û 675 cayanê bînî protesto ameyî kerdiş. Eynî demî de hûmara kiştişê bi pêroyî 6 hezar û 941 ya. Rapor eşkera keno ke 6 hezar û 495 çalakîkerî, 171 tutî û 61 sivîlê ke çalakîkerî nêbîyê, hetê hêzê rejîmê Îranî ra ameyê qetilkerdiş.

 

Rapor dîyar keno ke 214 leşker û hêzê girêdayeyê rejîmê Îranî zî ameyê qetilkerdiş. Sewbîna 11 hezar û 630 hedîseyê hema nêzelal, ji bo zelalkerdişî yenê lêkolînkerdiş. Di bûyeran de 11 hezar û 21 kes bi giranî birîndar bîyê. Bi pêroyî 50 hezar û 921 kesî ameyê tepiştiş, nînan ra 109 kesî wendekarî û 207 zî tutî yê.

 

Hûmara kesê ke bêtepişte bêrê muhakemekerdiş zî 11 hezar û 47 a.