Derya Ren

 

MERKEZÊ XEBERAN - Şorişgêra Enternasyonalîst Dîana Montseny dîyar kerd ke ganî hemverê hêrişê Rojawanî ser, Katalonya piştîdayîş bido û wina va: “Cinîyê kurdî semedê ma hemine têkoşîn da. Nika dora ma ya.”

 

Dîana Montseny ke Îspanya de yew cinîyanê têkoşînê nasname û ziwan dana ra ya, heta serra 2014ine de têgêrayîşê femînîstî de ca girewte. 2014ine de Şorişê Rojawanî yê bi serkêşîya cinîyanê kurdan dest pêkerd, nas kerd. Şorişgêra enternasyonalîst a Barselonaya Îspanyayî xebatê dîplomasîye domnena, hêrişê Kobanê ser o ercnayîş kerd.

 

‘Ganî ma Rojawanî bipawê’

 

Dîana Montseny dîyar kerd ke sere de semedî Kobanê û heme Rojawanî her kes vejîyo wareyan û wina dergî da: “Ganî nê hêrişî nêrê qebûlkerdiş. Kobanê tenya semedê şarê kurdî nê, semedê heme merdimîye muhîm o. Kobanê pratîkê zîhnîyetê DAIŞ û pederşahîyî heps kerd. Ma xoverdayîşê tarîxî yê 2014ine yê Kobanê dî. Sey cinî, sey merdimê demokratîkî semedê cuyayîşêke têduşt û demokratîk ganî ma Rojawanî bipawê. Barselona de ciwanê ma semedê piştîdayîşî vejîyayî wareyan. Xeylêk kesî rewşa Sûrîye nêzanê. Ganî no bêro vatene. Ez bawer nêkena ke welatê Ewropa fahm nêkenê çi yeno kerdiş. Ê vanê ‘hadi temam wa Şara serek bibo’. Goreyê mi no baş fahm nêkenê çi yeno kerdiş. Hemverê nê ganî ma xo rêxistin bikerê.”

 

‘Cinîyê kurdî xo ver danê, dora ma ya’

 

Dîana Montseny dîyar kerd ke ganî hêrişê çeteyan ê cinîyan ser o bêro dîyayene û wina peynî ard: “Ganî ma bivînê ke zîhniyetê DAIŞî senîn tîya gane beno. Şarê Rojawanî her tim tenya semedê şarê kurdî û cinîyê kurdî nê, semedê cinî û şarê her cayê dinya têkoşîn dayî. Nê bi desine reyan mojnayî. Cinîyê kurdî semedê ma heme xo ver danê. Nê semedî ra piştîdayîş muhîm o. Têkoşînê Rojawanî têkoşînê ma hemine yo. Dewamkerdişê sîstemê Rojawanî ferz û muhîm o. Ganî Barselona û Katalonya de piştîdayîş bêro dayîş. Xoverdayîşê tîya do xoverdayîşê ma hemine bo.”