ŞIRNEX- Heyetê DEM Partî, DBP û temsîlkarê rêxistinê cimatî ra pê yenê semedê derbasê Rojawanê Kurdistanî bibê, ameyî Silopya.

 

Goreyê melumatê Buroyê Çapemenîye yê DEM Partî, zîyaretî de Hemserekê DBP’yî yo Pêroyî Keskîn Bayindir, Parlementerê DEM Partî yê Wanî û Verfeka Înîsîyatîfê Yewbîyayîşê Demokratîkî Gulcane Kaçmaz Sayyîgît, Parlementerê Mêrsînî Alî Bozan û temsîlkarê baroyan û sazgehê komelê sîvîlî zî beşdar benê.

 

Heyet bi armancê piştîdayîşê Îdarekarîya Xoserî do derbasê Rojawanî bibo, do ver bi nîmerojî berê Sînorî yê Xabûrî ra darbasê Zaxoyî bibo. Yeno pawitiş ke heyet ver bi şanî Berê Pêşxabûr-Sêmalkayî ra derbasê Rojawanê Kurdistanî bibo.

 

Heyet do serdayîşê Îdarekarîya Xoserî bikero

 

Ame zanayîş ke heyet do Îdarekarîya Xoserî dir, partiyê bînî yê Rojawanê Kurdistanî û xeylêk pêameyanê cimatî dir pêvînayîş bikero. Yeno pawitiş ke heyet agêrayîş de do Başûrê Kurdistanî zî hîn serdayîşan pê bîyaro.