MERKEZÊ XEBERAN- Meclisî Sûrîyeya Demokratîk (MSD) agêrayîşî terorî ser o û badê serbest veradayîşê çeteyanê DAIŞ’î hişyarî da. MSD’yî dîyar kerd ke xoverdayîşo rewa do seba pawitena azadî û rûmetî dewam bikero.

 

MSD’yî da resnayene ke rewşa Vakur û Rojhilatê Sûriye de problemo ke bi talûke est o, ke grubê çekdarî ê binê sîwanê hukmatê demkî de têgêrenê hêriş kenê. Nê hêrişî şarî kurdî û hêzanê ey hedef gênê, ê ke pêşengîyê şerê verva DAIŞ’î de bîy.

 

MSD’yî eşkerayîyêk serê keyepelê xo yê resmî de weşanaye, hişyarî da ke kiştişê şervananê cinî ê ke esîr kewtîbî yê Yewîyeyê Pawitena Cinîyan (YPJ) û serbestveradayîşê çeteyanê DAIŞ’î do terorîzmî açarno û no zî do bibo talûkeyê ke rasterast serê ewleyîya herêmî û mîyanneteweyî.

 

MSD’yî dîyar kerd ke peygoşkerdişê “nê talûkeyî do rayîr bido terorîzmî û reyna berê zirar bidê dinya.”

 

Eşkerayî wina dewam kerd: “MSD’yî hete ke ra venga diyalog û dayîşûgirewtişan mabênê Hukmatê Demkî yê Sûrîyeyî û HSD’yî kenê, la ey kerdişanê wehşîyane ê ke hetê hêzanê îktîdarê Şamî ra yenê kerdene şermezar kenê.”

 

MSD’yî eşkerayî xo wina qedêna: “Semedê israrê Hukmatê Demkî ê Sûrîyê serê çareserîyanê leşkerî yo, MSD’î dîyar kena ke vera naye ganî xoverdayîşê rewa dewam bikero ,seba pawitişê azadî û rûmetî û seba Surîyeyêka demokratîke, zafhetî nêmerkezî û ewle, seba heme welatijanê aye.”