MERKEZÊ XEBERAN - Mexmûr de wendekarî karnameyê xo girewtî û ketî betlaneyê nîmeyê serrî.

 

Wargehê Multecîyan ê Şehîd Rustem Cûdî (Mexmûr) bi hezaran wendekarî panc pêşdibistanan, çar dibistanê sereyînî, di dibistanê mîyanên û dibistanêke yê amadeyî, peynîbîyayîşê serdemê yewine yê serra wendişê 2025-2026ine bi kelecanêko gird karnameyê xo girewtî.

 

Yew dibistana wargehî, dibistana sereyîne ya Dr. Nûrî Dêrsimî bi kombîyayîşê wendekar û mamosteyan bi wendişê sîrûdê neteweyî Ey Reqîb deqeyêk rêze ameye girewtiş. Dimayê rêzgirewtişî Îdareyê dibistanî Mamoste Hûseyîn Kara qisey kerd.

 

Mamoste Hûseyîn destpêkê qiseykerdişê xo de serkewtiş heme wendekaran rê waşt û wina va: “We çar aşmî kede da, araq rijna, mamosteyê şima şima perwerde kerdî, keyeyê şima hetkarîya şima kerd semedê nê ma sipasîya mamoste, keye û wendekarê xo yê erjaye kenê. Wendekarê ke nêeşkayî dereceyêk baş bigîrê şansêk vernîya înan de est o, çar aşmî demê ma yê dibistane mend. Mîyanê pêroyî yê kurdan de perwerdeyê bi ziwanê dayîke, musayîş û zanayîş kêmê cayan yenê dayîş. Ma xo vîr ra nêkerê nê derfetê ke semedê ma ameyê viraştiş keda Rêbertî, şehîdan û partîya ma ya. Ganî ma sey Komîteya Perwerdeyî, wendekar û keyeyê erjaye ma nê nêkerê xo vîr ra. Rêber Apo vano; Tutê Mexmûrî tutê min ê, wendekarê erjaye ganî şima layîqê Rayberî bê, şima bibê ameyoxê nê cimatî, şima azad biciwîyê. Heq û heqê şima yo ke şima baş bimusê, baş bizanê û baş qisey bikerê. Ma reyna vanê şima pêrûne rê serkewtiş.”

 

Dimayê qiseykerdişî wendekarî bi rêze kewtî refê xo û karnameyê xo girewtî.