ANQARA - Dayîkê Aştîye ke semedê protestokerdişê hêrişê çeteyan ê Heleb ra şî Anqara dîyar kerdî ke cinî û tutî Rojawan de yenê kiştiş û waştişê vindarnayîşê şerî kerdî.

 

Dayîkê Aştiyê yê ke Kurdistan û Tirkîya ke hêrişê çeteyê HTŞ'yî yê taxanê Şêxmeqsûd û Eşrefiye yê Helebî ser o protesto kenê, vizêr ver bi Anqara kewtî rayîr. Dayîkê Aştîyê yê ke serê sibayî resayî Anqara, verê Sayiştayî de kom bî. Xeylêk dayîkê ke waştêne şêrê Wezaretê Karê Teberî hetê polîsan ra ameyî vindarnayîş.

 

Dayîkê ke me mîkrofon dergî înan kerd, bi sloganan reaksîyon vera astengîyê polîsan mojnayî dayîkan diyar kerd ke çira ê kesê ke semedê Filistînî wuştî lingan ser semedê Rojawanî nêwurzenê. Dayikê ke vatî Rojawan de sûc yeno kerdiş nê çî vatî, "Cinî û tutî qetil kenê cenazeyê cinîyan awanîyan ra erzenê. Ma aştîye wazenê la polîsî ma asteng kenê. Ma wazenê wezîrê edaketî û wezaretê bînî rê pêvînayîş bikerê. Wa êdî no şer vindarîyo."