MERKEZÊ XEBERAN – Ame dîyarkerdiş ke taxê Şêxmeqsûd û Eşrefîye ke dekewtişê sazgehê çapemenî û sivîlan yeno astengkerdiş, 271 merdimî vîndîbîyaye yê.

 

Ame dîyarkerdiş ke çeteyê HTŞî dekewtişê rojnameger û sivîlan ê semedê taxê Şêxmeqsûd û Eşrefîye yê Helebî asteng kenê. Goreyê xebera ANHA’yî; ame neqlkerdiş ke taxan de zafê merdimî esîr ameyê girewtiş, kesê ke ameyê remnayîş berdê cayanê nêdîyaran û na rewşe herême de bî sebebê endîşe û fikaran.

 

Komîteyê herêmî yê Şêxmeqsûd û Eşrefîye neql kerdî ke hûmara kesê ke vînî bîyê 271 merdimî derbas keno. Ame neqlkerdiş ke komê çeteyî taxanê ke rojanê peyênan de rî bi rî yê bi bombavaranê sîstematîk bi seyan merdimî destbend kerdê. Ame dîyarkerdiş ke cinîyan berdê camîyan, camêrdî zî berdê cayanê nêdîyaran.