MERKEZÊ XEBERAN – Bajarê Helebceyî de semedê piştdayîşê xoverdayîşa taxanê kurdan yê Şêxmeqsûd û Eşrefîye yê Helebî û şermezarkerdişê hêrişanê kurdan ser o rayîrşîyayîşê girseyî ame kerdiş.

 

Piştgirî û piştdayîşê semedê taxanê kurdan yê Şêxmeqsûd û Eşrefîye yê bajarê Helebî Başûrê Kurdistanî de dewam keno. Eynî çarçeweya de bajarê Helebceyî de zî vengê piştdayîşê semedê kurdanê Rojawanê Kurdistanî ame berzkerdiş.

 

Bi tewrbîyayîşê rêxistin, partî, berpirsîyar û welatijan, bajarê Helebceyî semedê piştdayîşê xoverdayîşê taxanê kurdan yê Şêxmeqsûd û Eşrefîye yê Helebî û şermezarkerdişê hêrişanê çeteyê girêdayeyê hukmatê demkî yê Şamî û dewleta tirkan kurdan ser o, mîyanê bazarê pîlî yê bajarî ra heta verê Ofîsa Serekîya Şaredariya bajarî rayîrşîyayîşê girseyî dest pêkerd.

 

Qerarê dimayê resayîşî yê rayîrşîyayîşê heta verê Ofîsa Serekîya Şaredariya Helebceyî de eşkerayîyêke bêro dayîş.