MERKEZÊ XEBERAN – Goreyê çeteleyê şîdetî yê aşma Kanûne tewr tay 28 cinî û 2 tutî ameyî qetilkerdiş, 13 cinî û 2 tutî zî binê şert û mercanê gumanbarî de dinyaya xo bedelnayî.

 

Şîdetê sîstemê serdestîyê camêrdan û polîtîkayanê bêcezakerdişî yê edaletî bi hawayêko sîstematîk heqê cuyayîşê cinî û tutan hedef gêno. Nê sîstemî de mekanîzmayê pawitişê dewlete bêtesîr ê û sucdarî zaf rey bi bahaneyê sey “rewşa başe” û “provokasyonê nêheq” yenê xelatkerdiş, cinî zafê rey hetê camêrdanê tewr nêzdîyê xo ra yenê qetilkerdiş.

 

Aşma Kanûne de 28 cinî û 2 tutî hetê camêrdan ra ameyî qetilkerdiş, eynî demî de 13 cinî û 2 tutan zî binê şert û mercanê gumanbarî de dinyaya xo bedelnayî. Sîstemê şîdetî ke mîyanê keye û cayanê ke sey “warê taybetî” yenê dîyarkerdiş zêde bîyo reyke bîn sewîyeya serdestîyê pederşahî cinîyan ser o eşkere kerd. Pêwa nê bîlançoyê tarî zî têkoşînê domdarî yê cinîyan semedê azadî, têduştî û heqê cuyayîşî dewam keno.

 

Kerdoxî tewr nêzdî yê

 

Cinîyê ke hetê cîranê xo ra, 2 hetê nasanê xo ra, 8 hetê mêrdeyê ke înan dir ameyê zewicnayîş, 2 hetê mêrdeyê ke cîya bîbî, 2 hetê mêrdeyê cîya bîbî, 1 hetê mêrdeyo nênas, 1 hetê lajê xo ra, 1 hetê xwezûrê xo ra, 1 hetê mêrdeyo ke verê yewbînan veradabî, 1 hetê xalê xo ra, 3 hetê mêrdeyê ke prosesê caverdişî de bî, 2 hetê zamayanê xo ra, 1 hetê mêrdeyo ke mahrê mela zewicîyabî û 1 hetê tornê xo ra ameye qetilkerdiş. Sewbîna yew cinî hetê kesanê nêdîyaran ra ameye qetilkerdiş.

 

Bajar bi bajar qirkerdişê cinîyan

 

Mêrsîn de 1, Kirikkale de 2, Hatay de 1, Samsûn de 1, Enqere de 2, Qeyserî de 1, Çanakkale de 1, Semsûr de 2, Stenbol de 1, Dîlok de 2, Mereş de 1, Antalya de 1, Kirklarelî de 1, Amed de 2, Çanakkale de 1. Karaman de 1, Manîsa de 3, Zonguldak de 2, Sêrt de 1, Riha de 1 cinî ameye qetilkerdiş.