STENBOL - Hemsereka Partîya DEMî ya Stenbolî Arîfe Çinar, semedê pêvînayîşê şarî yê ke 30ê teşrîna peyêne de Kuçeyê Demokrasîyî yê Sancaktepeyî de bi sloganê, “Ma semedê nanê xo yênê têhet” bêro viraştiş, venga tewrbîyayîşî kerd.

 

Bi serkêşîya Partîya Têduştî û Demokrasî (DEM Partî) 30ê teşrîna peyêne de Kuçeyê Demokrasî yê Sancaktepeyî de bi sloganê,

 

'Ma semedê nanê xo yênê têhet'

 

do pêvînayîşê şarî bêro viraştiş. Pêvînayîşê ke Partîya DEMî ya Stenbolî serkêşîya ci kena, Partîya Têgêrayîşê Kedî (EHP), Federasyonê Meclîsanê Sosyalîstan (SMF), Partîya Karkeranê Tirkîya (TÎP), Partîya Azadîya Komelî (TOP), Partîya Demokratîk a Herêman (DBP), Partîya Sosyalîst a Bindestan (ESP), Platformê Piştîdayîşê Sosyalîstî (SODAP), Partîya Sosyalîst a Neweyî (SYKP), Partîya Çep û Kesk a Şorişgêr (YSP) do tewrê bibê.

 

Hemsereka Partîya DEMî ya Stenbolî Arîfe Çinar derheqê pêvînayîşê ke Sancaktepeyî de bêro viraştiş de JINNEWSî rê qisey kerde.

 

‘Armancê butçeyî têduşt bêro vilakerdiş’

 

Arîfe Çinar da zanayîş ke Partîya DEMî tifaqanê xo dir pêvînayîşan virazena û va serra newî de pêvînayîşê butçeyan bêrê kerdiş û eke butçe bi hawayêko têduşt nêro vilakerdiş, do rayîr verê problemê giranan bêro akerdiş. Arîfe Çinar wina va: “Tirkîya 4 serrî o krîzê ekonomî dir rî bi rî manena. Armancê nê pêvînayîşî est o. Şar her ke şino feqîr beno, sinifa karkeran vêşanî dir rî bi rî manena. Semedê nê ma nê pêvînayîşî kenê. Armancê ma no yo ke butçe bi hawayêko têduştî bêro vilakerdiş.”

 

Vengdayîşê tewrbîyayîşî semedê pêvînayîşî

 

Arîfe Çinar da zanayîş ke eke Prosesê Aştî û Komelê Demokratîkî nêro awankerdiş, do krîz tewr giranî paweyê Tirkîya bê û wina va: “Ma bi nê armancî Sancaktepeyî de pêvînayîş virazenê. Ma venga heme kesan kenê ke semedê wayîrê nanê xo yê ke kêm beno vecîyê, Sancaktepeyî de pêvînayîş de ca bigîrê.”