STENBOL - Cinîyan dîyar kerd ke nêzelalîya prosesî domyeno û veng dayî ke ganî komîsyonê meclîsî game bierzo.

 

Çarçeweya çareserîya demokratîk a meseleya kurdî de prosesê Aştî û Komelê Demokratîkî ke yeno domnayîş de çimî gamanê ke dewlete bierzo de yê. Komîsyonê Piştîdayîşê Netewî, Wayê-Bîratî û Demokrasî yê Meclîsî ame viraştiş zî gamî yenê pawitiş. Vengdayîşê semedê sererastkerdişê qanûnî zî domyenê.

 

Cinîyan derheqê prosesî de JINNEWS’î ra ercnayîş kerd.

 

Nuştoxe Sîbel Ozbudun dîyar kerd ke îqtîdar derheqê prosesî de dihet kay keno û wina va: “Rojhelatê Mîyanênî, babete qiseykerdişî yo ke Tirkîya kontrola xo vînî bikero. Endîşeyê ke Tirkîya Îsraîlî dir bibo cîran est o û kurdan ancenê dewre û wazenê Tirkîya bîyarê hetê xo, mabêne de tamponêk virazê. Endîşeyê MHP û AKP’yî zî nê wareyî de yo. Endîşeyê AKP’yî est o, zemînê xo vînî keno. Semedê pozîsyonê Amerîka û Îsraîlî ez bi hêvî prosesî rê nêewnîyena.”

 

‘Nîyet zaf cîya yo’

 

Sîbel Ozbudun dîyar kerd ke AKP’yî hema tu gamêke zelal nêeşta û wina va: “Nika xêrcê heqê semedê kurdan ameyê nasnayîş tu sozêk bîn çin o. Gamî bi tedbîr û ters yenê eştiş. Tirkîya mabêne muxalefet û muxalefetê kede û kurdan de babeta projeyê azadbîyayîşî de hemkarîyêk çinî bo do proses bibo qurbanê polîtîkayanê reel. Prosesê verênan de zî heyet est bîy, la netîce werte de yo. Nê wareyî de ez bawer nêkena komîsyon netîceyêk weş bigîro.”

 

Endama heyetê Îdarekarîya Partîya Çep a Keskan Çîgdem Ozbaş zî heqê hêvîyê ercna û wina ard ziwan: “Caardişê heqê hêvîyê zaf muhîm o. Ganî nê waştişî bêrê ca. Wexto ke nê gamê bierzê, do hêvîya semedê aştîye gird bibo û her kes xo biasayîş hîs bikero. Eksê nê ma do bikewê pozîsyonêk temaşeker. Heta ke mumkin o ma ganî semedê waştişê xo bêrê têhet. Çarçeweya 25ê Teşrîna Peyêne ma cinîyan dir 16ê teşrîna peyêne de wareyê Bakirkoyî de kursî danê ro û uca qiseyê xo vanê. Hewcedarîya her kesî est a ke nê prosesî de hetê aştîye de game bierzê. Ganî ma pîya kuçeyan de bê û vengê xo berz bikerê. Komîsyonî ra gamêk zelal çin o. Ma nê îmkanî bixebitnê. Eke ma biwazê ma eşkenê her çîyî mumkin bikerê.”