Pelşîn Çetînkaya

 

AMED - Gamê ke Têgêrayîşê Azadîya Kurdî 26ê Teşrîna Verêne de eşt, her wareyî de veng dano. Parlamentera DEM Partî ya Êlihî Zeynep Oduncu Kutevî dîyar kerd ke gamê ke ameyê eştiş zaf muhîm ê û qerarê Rayberê Şarê Kurdî Abdullah Ocalan semedê awankerdişê cuya newîye firsend virazeno.

 

Rayberê Şarê Kurdî Abdullah Ocalanî 27ê Sibate de venga ‘aştî û komela demokratîk’ da û pey nê averşîyayîşê tarîxî yew bi yew ameyî. Têgêrayîşê Azadîya Kurdî 26ê Teşrîna Verêne de eşkerayîye da û va esasê tesdîqkerdişê Abdullah Ocalan û qerarê kongreyê PKK’yî de gerîla Tirkîya ra vejêno.

 

Parlamentera Partîya Têduştî û Demokrasî (DEM Partî) Zeynep Oduncu Kutevî derheqê gamê tarîxî yê ke Têgêrayîşê Azadîya Kurdî eştê de ercnayîş kerd.

 

Abdullah Ocalanî ra gamê krîtîkî

 

Zeynep Oduncu Kutevî dîyar kerd ke prosesê ke 1ê teşrîna verêne ra dest pêkerdê heta nika gamê krîtîk ameyî eştiş û wina ard ziwan: “Proses semedê awankerdişê zemînê demokratîkbîyayîşê Tirkîya gamêkê krîtîk bî. Proses 1ê teşrîna verêne de bi silamdayîşê Devlet Bahçelî yê DEM Partî dest pêkerd. Dimayê nê Birêz Abdullah Ocalan 27ê Sibate de veng da. Nê vengyayîş de ame waştiş ke PKK çekan rono û semedê zemînê komelê demokratîkî wezîfe PKK’yî ra ame waştiş.”

 

 

‘Vengdayîşê 27ê Sibate firsendê cuya newî dano’

 

Zeynep Oduncu Kutevî ard ziwan ke Rayberê Şarê Kurdî bi vengdayîşê xo cuya aram û demokratîk pêşkêşê merdiman kerd û wina ard ziwan: “Birêz Abdullah Ocalan mesajêk tarîxî û manedar da. Mesajê bi çekan merdim nîno cayêk da. No rayapêroyî de veng da. Na çarçewa tena şarê kurdî eleqedar nêkerd. Heme şarê Kurdistanî, Rojhelatê Mîyanênî û Tirkîya eleqedar keno.”

 

Vengdayîşê ‘bikewê têgêrayîş’ dewletî rê ame kerdiş

 

Zeynep Oduncu Kutevî wina domna: “Ganî dewlete rolê xo kay bikero. 26ê teşrîna verêne de gamê girdî yê dîyine ameyî eştiş. PKK’yî va do Tirkîya ra vejiyo û şêro wareyê pawitişê medyayî. Nika dora dewlete ya. Ganî nika Tirkîya de aştî bêro awankerdiş, zemînê qanûnî bêro viraştiş û çarçeweya qanûnî de hîn çî bikewê binê asayîşî. Wexto ke Tirkîya ke vînî bikero çin o. Ganî asayîşê qanûnî bêro dayîş. Ganî lezkî gamê qanûnî bêrê eştiş.”