Şehrîban Aslan

 

AMED - Endama SKMî Fethiye Ok ard ziwan ke şîdetê cinîyan ser roj bi roje zêde beno û va: “Ma cinî ganî fehmê xo xo dir heps nêkerê û nê hîra bikerê û cinîyan dir bîyarê têhet.”

 

Ver bi 25ê Teşrîna Peyêne Roja Têkoşînê Hemverê Şîdetê Cinîyan ê Mîyanneteweyî Ser, şîdetê cinîyan ser her ke şino gird beno. Şîdetê vera cinîyan ke roj bi roje zêde beno, cinî û rêxistinê cinîyan hemverê nê de têkoşînê xo gird kenê. Hemverê şîdetî de pawitiş her tim yeno pêşnîyazkerdiş.

 

Endama Meclîsê Cinîyanê Sosyalîstan (SKM) Fethiye Ok, ard ziwan ke yew çareserîyê hemverê şîdetî de xopawitişê şexsî yo.

 

‘Her tewir şîdet cinîyan ser o yeno kerdiş’

 

Fethiye Ok dîyar kerd ke ver bi 25ê Teşrîna Peyêne hemverê şîdetê cinîyan ser her wareyî de cinî têkoşînê gird kenê û va: “Bê waştişê cinîyan her çîyo ke yeno kerdiş şîdet o. Ewro bi rayîrê dîjîtalî, şîdetê dîjîtal zî zêde bîyo. Cinî şîdet bi metodê cîya vînenê. Hemverê cinîyan de hêrişê ciddî est ê. Hemverê nê de ganî çi bêro kerdiş. Ganî kes bêveng nêmêno, şîdet deşîfre bikero. No muhîm o.”

 

‘Ganî dersê pawitişî bêrê dayîş’

 

Fethiye Ok dîyar kerd ke cinî tewr zêde hetê feqîrî de şîdetî dir rî bi rî yenê û nê çî ard ziwan: “Feqîrî her ke şina gird bena û no tesîrê tewr zêde cinîyan sero keno. Na feqîrî xo dir şîdetê psîkolojîk zî ana. No tena sey şîdetê psîkolojîk nêmendo heme wextî yê fîzîkî zî yeno domnayîş. Ganî cinî hemverê nê de bêveng nêmênê û îtîraz bikerê.”

 

‘Rastîyêk ma yê sey şorişê cinîyan est o’

 

Fethiye Ok dewam de wina vat: “Fehmê cinsî yê cinîyan ewro bi fehmê şorişê cinîyan domneno. Nimûneyê nê yê tewr zelal şorişê Rojawanî yo. Rastîyêk ma sey şorişê cinîyan est o. Ma uca ra hêz gênê. No zaf muhîm o. Cinîyê ke têkoşîn kenê xo biresnê cinîyanê bînan. Ganî hetê fehmê hemverê şîdetî de ma xo biresnê cinîyan. Wezîfeyê girdî kewnê milê ma ser. Nê wareyî de ganî ma xebatan bidomnê û ma mecbûr ê serkewte bibê.”