Şehrîban Aslan

 

AMED - Hemsereka Şaredarîya Peyasî Berîvan Sîncar va rojê bêro de do bi keda cinî festîvalêke virazo û do Merkezê Cuye yê BêGlutenî akero.

 

Şaredarîya Peyasî ya Amedî ke qeyûman ra girewt, pêwa texrîbat û bêîmkanî projeyanê semedê şarî kena cuye. Bi taybetî projeyê cinî viraznena. 3-4-5ê teşrîna verênê de Park Ormanî do pêvînayîşê keda cinî virazîyo. Eynî wextî de nîmeyê teşrîna verênê de Merkezê Cuye yê BêGlutenî akero. Yew projeyê bînî zî Medya Park de akerdişê peykeranê cinîyanê têkoşeran o.

 

Hemsereka Şaredarîya Peyasî Gulşen Sîncar derheqê projeyanê xo de qal kerd.

 

‘Qursan danê’

 

Berîvan Sîncar va, roja ke wezîfedar bîyî, bi cinîyê taxan û sazgehê cinîyanan dir ameyî têhet, munaqeşe kerdî û xerîteya rayîrî dîyar kerdî. Berîvan Sîncar wina va: “Ma taxan de xebate kerd. Ma dî ke feqîrî zaf muhîm a, problemê bînî est ê. Ma nê dî. Ma 6-7 parkê bajarî de pêvînayîşê keda cinî kerd. Ma waşt reyna bikerê. Nê semedî ra ma qursê meslegî da. Ma dewan, taxan de cinîyan dir ameyî têhet. Qursanê ma de komunê ma eşkera bîyî.”

 

 

‘Festîvala keda cinî’

 

Berîvan Sîncar va, cinî semedê berardişê xo biroşê lazimî bi waran vînenê û va: “3-4-5ê teşrîna verênê de ma qezaya xo Park Ormanî de pêvînayîşê keda cinî virazenê. Ma nê bi kultur û hunerî dir yew kerd, festîvalêke amade kerd. Rojê bêro de na proje dest pêkena. Do sûka ma cinîyan ke 42-43 bufeyan pê yeno bibo û 2 bufeyî zî semedê cinîyê ke qursanê ma de bî ma akerdî. Cinî do berhemê xo biroşê. Armancê ma dîyayîşê keda cinî zêde bikerê, destekdayîşê cinî xurt bikerê. Aktîvîteyê muzîkî zî do bibê. Sor Jiyan, Dinyaxan, Beser Şahin konsêr danê. Tutan rê zî do aktîvîteyê sporî bibê. Park Orman de saete 16.00 ra heta 22.00ine do bername bibê. Ma her kesî rê venga tewrbîyayîşî kenê.”

 

‘Merkezê bêglutenî akenê’

 

Berîvan Sîncar projeyanê bînî ser o zî qal kerd û va: “Ma 9ê gulane Roja Çolyakî ya Dinya de esasê pastaxane û firinî yê nêweşîya çolyakî da ro. Kompleksê ma temam ê. Nîmeyê teşrîna verêne de ma merkezê xo akenê. Nêzdîyê Nêweşxaneyê Perwerde û Cigêrayîşî yê Amedî de lokantaya şarî est a. Kesî bi rojan verê nêweşxaneyî de vindenê, qelebalix virazîyeno. Ma waşt lokanta nêzdîyê nêweşxaneyî de abikerê. Wextêk nêzdî de ma do îhale bigîrê, serê serra 2026ine de lokanta abikerê.”

 

 

Berîvan Sîncar peynî de va: “Xebatanê ma de do parkêk ke qezaya ma de peykerê cinîyanê ke sembolê têkoşîn û xoverdayoşî yê bêrê ronayîş. Wextêk nêzdî de ma do Medya Parkî de peykeran bica bîyarê.”