MERKEZÊ XEBERAN - Pêşkêşkera Medya Haber TV’yî Heval Arslan, vera ke qerarê dadgeha bajarê Ninoveyî ya Belçîkayî bibo, 4 rojî yo destbendkerde ya.

 

Pêşkêşkera Medya Haber TV rojnamegere Heval Arslan şanê 22yê êlule de Merkezê Polîsan ê Ninoveyî de amî destbendkerdiş. Ame neqlkerdiş ke Heval Arslan bêqerarê dadgehe amî destbendkerdiş û 4 rojî yo destbendkerde ya. Pêro hacetê aye ameyî desteserkerdiş, cigêrayîşê zitî ra amî derbazkerdiş û aye kerdî hucre. Goreyê agahiyan, merkezê polîsan de tehdîd aye rê ameyo kerdiş û ci ra ameyo vatiş ke do aye bişirawê Fransa û uca ra zî bişirawê Tirkîya.

 

Heval Arslan, tewr peyîn semedê newekerdişê pasaportê xo şî Konsolosxaneyê Tirkîya la pasaportê aye nêdayî. Heqê geyrayîşê serbestî û caardişê meslegî yê Heval Arslane ameyî binpaykerdiş.