MERKEZÊ XEBERAN - Fîlozofa amerîkayije Rebecca Goldstein destek semedê Vengdayîşê Aştî û Komelê Demokratîkî yê Rayberê Şarê Kurdî Abdullah Ocalanî ke 27ê Sibate kerdibî, da.

 

Rebecca Goldstein mesajêk Partîya Demokrasî û Têduştî ya Şaran (DEM Partî) rê şirawit û ard ziwan ke aye prosesê aştîye bi keyfweşî pêşwazî kena. Rebecca Goldstein va, "Ez xeylêk keyfweş bîya ke mi eşnawit, mabêne dewleta Tirkîya û kurdê ke Tirkîya de yê prosesê aştî yeno kerdiş. Qerarê fesixkerdişê PKK'yî gamêke îlham û cesaret bî ke na gama tarîxî açarno rastî û bica bîyaro. Na game mojna temamê dinya ke rayîrêk xelasî, eşkeno bêro peydakerdiş. Ma êdî merdimayî yewbînan baş fam bikerê, nas bikerê û semedê cuyêk merdimayî mîyanê cîyayîyê bi heybet de pê bêro ma pîya bixebitîyê."