MERKEZÊ XEBERAN - 5ine Festîvala Fîlman ê Mîyannetewî yê Rojava do aşma Festîvale de bêro organîzekerdiş. Heta nika semedê beşdarbîyayîşê festîvale serdayîşê 120 filman ameyo kerdiş.

 

5ine Festîvale Filman ê Mîyannetewî yê Rojava do mabêne 13-20ê Teşrîna Peyêne 2025ine de, bajarê Qamişloyî yê kantonê Cizîrî yê Vakur û Rojhelatê Sûrîye bêro organîzekerdiş. Festîvale hetê Komînê Filman ê Rojavanî ra yeno organîzekerdiş. Festîvale bi sloganê “Hîkayeya Hempar, Sînemaya Azad” de bêro organîzekerdiş. Do festîvale salona Merkezê Kultur û Hunerî ya Mihemed Şêxo û cayêk ke hema nêameyo dîyarkerdiş bêro organîzekerdiş. 

 

Komînê Filmî yê Rojawanî 13yê tebaxe de organîzekerdişê festîvale îlan kerd. Ê wextî ra heta nika 120 filmê herçar parçeyê Kurdistanî, zereyê Sûrîye, welatê Ewropayî, Amerîka û Afrîqa de, welatê Rojhelatê Mîyanên serdayîşê festîvale kerdê.

 

Do heta 30ê teşrîna verêne de filmî bêrê tesdîqkerdiş. Heta nika Komîn de sînorêk hûmara filman rê nêdayê.

 

Festîvala Filman ê Mîyannetewî yê Rojawanî reya yewin Teşrîna Peyêne de 2016ine de pê ame. Yê diyîn de 13ê Teşrîna Peyêne 2017 de Qamiloyî, yê 3yîn Festîvala 2018ine de Kobanê û yê 4ine de 13ine Teşrîna Peyêne 2019ine de Qamişlo de pê ame. Do festîvala 5ine 2022ine de pê ameyîne. La semedê şert û mercê asayîşî pê nêame. Dimayê 5 serran do mabêne 13-20ê Teşrîna Peyêne 2025ine de bêro organîzkerdiş.