MERKEZÊ XEBERAN - Înîsiyatîfê Herêma Vakur û Rojhelatê Sûrîye û Sûrîye, çarçewaya kampanyaya “Ez wazena Ocalanî dir pêvînayîş bikerî” 2 hezar û 541 îmze kom kerdî û sey mektube Sekreterê NY, CPT, Konseyê Yewîya Ewropa, Konseyê Heqê Merdiman û Wezîrê Edaletî yê Tirkîya rê şirawitî.

 

Înîsiyatîfê Azadîya Abdullah Ocalanî yê Sûrîye û Înîsiyatîfê Avûkatan ê Sûrîye semedê Pawitişê Rayberê Şarê Kurdî Abdullah Ocalanî 20ê Tebaxe de dest bi Kampanyaya mîyanneteweyî yê “I Want to Visit Ocalan / `Ez wazena Ocalanî dir pêvînayîş bikerî`” dabî destpêkerdiş. Kampanya 10ê êlule de bi peynî bî. 

 

Her 2 înîsîyatîfan 21ê êlule de bi îzahatêk eşkera kerd ke 2 hezar û 541 çalakîkerê heqê merdiman, akademîsyen, sîyasetmedar, roşnvîr, serekê eşîran, melayî, doktor, muhendisî, temsîlkarê komelî yê cîya yê Herêma Vakur û Rojhelatê Sûrîye û Sûrîye (Şam, Heleb, Laziqiyê, Tertûs, Hums, Deraa, Quneytra, Siwêda û Îdlibê), mîyan de kurdî, erebî, suryan-asûrî, armenî, êzidî, tirkmen, çerkez û mezhebê cîya yê îslamî (sunî, elewî, îsmaîlî û durzî) zî tewr bî.

 

Goreyê agahîyê ke Ajansê Xeberan ê Hawarî (ANHA) endamê Îdareyê Înîsîyatîfê Azadîya Abdullah Ocalanî yê Sûrîye Ferzende Munzur girewtê, înan 22yê êlule de, netîceya kampanyaye, nameyê kesayetê ke wazenê Abdullah Ocalanî dir pêvînayîş bikerê sey mektube Sekreterê Pêroyî yê Neteweyê Yewbîyaye (NY), Rêxistina Vernîgirewtişê Îşkence yê Ewropa (CPT), Serekîya Konseyê Yewîya Ewropa, Konseyê Heqê Merdiman ê Neteweyê Yewbîyaye (NY) û Wezîrê Edaletî yê Komara Tirkîya şirawitê.